注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

“自由的代价”---柏乔良律师的博客

把能够诉诸语言的东西记录下来,把不能诉诸语言的东西珍藏起来!

 
 
 

日志

 
 
 
 

星一直喺度,从未离开  

2011-04-01 17:14:47|  分类: 默认分类 |  标签: |举报 |字号 订阅

  下载LOFTER 我的照片书  |
   四月渐近,春意最浓嘅时候,我一如既往,循环播放Leslie嘅歌。原来已经八年,佢离开嘅呢段时间,大家从未忘记过,曾经有一个噉样嘅人,生之绝魅,去之干脆,美丽同决绝,都传奇异常。《明星》缓缓流出,一字一句,透住唏嘘,令人无比心痛佢,记挂佢,深爱佢……

     呢只歌唔系专登写畀哥哥嘅,但咁多个版本,词曲作家黄霑认为哥哥诠释得最好,低沉缓慢嘅诉说,唱出咗明星光鲜背后嘅无限辛酸,将嗰种卑微、孤独、无奈、酸楚演绎到极致,无人出其右,比度身订做更贴合不过。

    “当你见到天上星星,可有想起我。可有记得当年我的脸,曾为你更比星星笑得多……”沉吟细诉,系喺心底发出嘅希望。好似哥哥噉嘅明星,高高在上,竟然有噉样嘅祈求,轻问善忘嘅世界,可曾记得佢,记得佢曾经为你,展开过佢如画嘅眉目。“当你记起当年往事,你又会如何。可会轻轻凄然叹喟,怀念我在你心中照耀过……”佢心中犹疑,低声发问,曾经追逐过佢嘅你,谂起当年会唔会嗟叹岁月无情,会唔会怀念曾经嘅执着同天真,会唔会记挂曾经照耀过人生嘅嗰个人?

    佢系一个为成为明星而生嘅人,耀眼,灿烂,眉目生姿,举手投足都星味十足。特立独行,但又温柔有度。佢尊重自己嘅行业,噉样嘅地位同身姿,依然谦和友善。“我像那银河星星,让你默默爱过,更让那柔柔光辉,为你解痛楚……”佢一直清楚自己嘅位置,似星一样:可以畀人去爱,即使有时候系一种负担;可以为人治愈伤痛,即使自己其实孤独疲累。

    “当你见到光明星星,请你想,想起我。当你见到星河灿烂,求你在心中记住我……”Leslie并唔系一直都顺风顺水,亦曾经遭过嘘声,但佢太清楚“明星”嘅真意。佢畀心机唱歌、做戏畀大家欣赏,佢值得掌声。受到质疑嘅时候,心里面嘅痛楚只有自己知道。佢系光环本身,永远照亮他人,自己身后嘅阴影,冇人会睇到,冇人会在意。佢一直希望可以得到理解,但系理解嘅人又有几个呢?既然系噉,佢选择要大家只记得佢温柔嘅光辉,美丽嘅面容,永恒嘅一刻;只求你喺心底记住佢,喺抬头望星嘅时候,谂起佢。

    八年前,呢首歌响彻灵堂,响彻香江,佳人遗世而去,独立于苍穹,我心有戚戚,喟然泪下。八年后,仍然系呢首歌,我望向天空,有闪烁点点,记得你眉目如画嘅面容,记得你温柔璀璨嘅光辉。于是,仍然会继续记住你,将你藏喺心底,深爱你。

  评论这张
 
阅读(194)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017